Քաղաքականություն
25.08.2023 | 18:53
Օգոստոսի 25-ին Մոսկվա կատարած այցի շրջանակում Ադրբեջանի փոխարտգործնախարար Էլնուր Մամեդովը հանդիպել է Ռուսաստանի փոխարտգործնախարար Միխայիլ Գալուզինի հետ։ Սպուտնիկի ադրբեջանական ծառայությունը, վկայակոչելով Ադրբեջանի ԱԳՆ-ին, հաղորդում է, որ հանդիպմանը քննարկվել են Ադրբեջանի և Ռուսաստանի միջև երկկողմ համագործակցության օրակարգի արդի հարցեր, այդ թվում՝ տարածաշրջանում առկա իրավիճակը:
Մամեդովը Գալուզինին տեղեկացրել է նաև հետհակամարտային շրջանում տարածաշրջանում տիրող իրավիճակի, Ադրբեջանի և Հայաստանի միջև հարաբերությունների կարգավորման գործընթացի և խաղաղության օրակարգի առաջխաղացման ուղղությամբ տարվող աշխատանքների մասին՝ հերթական անգամ անհիմն մեղադրանքներ հնչեցնելով հայկական կողմի հասցեին։
Հանդիպմանը մտքեր են փոխանակվել նաև փոխադարձ հետաքրքրություն ներկայացնող այլ հարցերի շուրջ։
