15.05.2024 | 11:28
Դիլիջան համայնքի Աղավնավանք բնակավայրում շչակ է գործարկվելու
«Սպայկա» ընկերությունը սպասում է ՊԵԿ-ի պարզաբանումներին
Հասարակություն
14.07.2018 | 22:00
Պետեկամուտների կոմիտեի տարածած հաղորդագրությունում «Սպայկա» ՍՊԸ-ին վերագրվող չարաշահումների մասին ընկերությունը տեղեկացել է մամուլից։ Այս մասին իր ֆեյսբուքյան էջում գրել է «Սպայկա» ընկերության հասարակայնության հետ կապերի պատասխանատու Էդվարդ Անտինյանը։
«Այս պահին կարող ենք հայտնել միայն, որ այսօրվա ՊԵԿ հաղորդագրության համաձայն «Սպայկա» ընկերությանը վերագրվող չարաշահումների մասին մենք ևս տեղեկացել ենք մամուլից և մենք ևս չգիտենք՝ ի՞նչ ստուգումների և չարաշահումների մասին է խոսվում ՊԵԿ հաղորդագրությունում»,- գրել է նա։
Անտինյանը նշել է` ՊԵԿ նախագահ Դավիթ Անանյանը թե՛ կառավարության հուլիսի 4-ի նիստում, թե՛ հուլիսի 13-ին լրագրողների հետ հանդիպման ընթացքում հայտարարել է, որ «Սպայկա» ընկերությունում ստուգումներ չեն իրականացվել, ստուգումներ եղել են ընկերության տարածքում գործող երկու այլ ընկերություններում։
«Սակայն այս հայտարարությունից մեկ օր անց ՊԵԿ-ը «Սպայկա» ընկերությունում ստուգումների արդյունքում հայտնաբերված չարաշահումների մասին է հայտարարում։ Առայժմ ձեռնպահ ենք մնում մեկնաբանություններից։ Կարծում ենք, որ ՊԵԿ-ը մեզ լրացուցիչ պարզաբանումներ կանի, որից հետո կհստակեցնենք մեր անելիքները»,- գրել է նա։
