07.10.2026 | 23:00
Երթևեկության կազմակերպման փոփոխություն՝ Հակոբ Պարոնյան փողոցում
Գլխավոր դատախազն ընդունել է Հայաստանում Քուվեյթի դեսպանին
Քաղաքականություն
25.08.2023 | 16:56
Հայաստանի Հանրապետության գլխավոր դատախազ Աննա Վարդապետյանն այսօր ընդունել է Հայաստանի Հանրապետությունում Քուվեյթի արտակարգ և լիազոր դեսպան Նաուաֆ Ալ Էնեզիին․ տեղեկացնում են ՀՀ գլխավոր դատախազությունից։
Գլխավոր դատախազը շնորհակալություն է հայտնել դեսպանին՝ հանդիպումը նախաձեռնելու համար և ընդգծել, որ Դատախազությունը մշտապես կարևորում է օտարերկրյա պետության իրավասու մարմինների, ինչպես նաև դիվանագիտական ներկայացուցչությունների և միջազգային կազմակերպությունների հետ արդյունավետ աշխատանքը: Այդ համատեքստում Աննա Վարդապետյանը հույս է հայտնել, որ հանդիպումը երկու երկրների դատախազությունների միջև ամուր և կայուն համագործակցության հիմք կստեղծի:
Դեսպան Ալ Էնեզին շնորհակալություն է հայտնել ՀՀ գլխավոր դատախազին ընդունելության համար և ընդգծել, որ հանդիպումը փոխգործակցության հաջող մեկնարկի և հետագայում Հայաստանի ու Քուվեյթի դատախազությունների միջև համագործակցությունը երկկողմ փաստաթղթերով ամրագրելու լավ հնարավորություն է:
Հանդիպման ընթացքում կողմերը քննարկել են երկուստեք հետաքրքրություն ներկայացնող հարցերի շրջանակի:
