14.12.2025 | 17:25
Իրավիճակը ճանապարհներին՝ 17։15-ի դրությամբ
Ուկրաինան ճեղքել է Ռուսաստանի պաշտպանության առաջին գիծը Զապորոժիեում․ CNN
Քաղաքականություն
25.08.2023 | 17:30
Ուկրաինայի Զինված ուժերը Զապորոժիեի հարավային ճակատում ճեղքել են Ռուսաստանի պաշտպանության առաջին գիծը և զորքեր են ընդլայնում ռազմավարական նշանակության Տոկմոկ քաղաքի ուղղությամբ, հայտնում է ամերիկյան CNN հեռուստաալիքը։
Ուրբաթ օրը Ուկրաինայի գլխավոր շտաբը հայտարարել է, որ առաջընթաց է գրանցվել երկու ուղղությամբ՝ Զապորոժիեի շրջանի Նովոպրոկոպովկա գյուղի ուղղությամբ և դեպի արևելք ՝ Դնեպրոպետրովսկի շրջան Օչերետովատոե գյուղի ուղղությամբ։
Կիևը երեքշաբթի հայտնել էր, որ ուկրաինական բանակը մտել է Զապորոժիեի Ռոբոտինո գյուղ, որտեղ մարտերը շարունակվում են դրանից հարավ։
Հինգշաբթի օրը Ուկրաինայի հարավային հրամանատարության խոսնակ Նատալյա Գումենյուկը հայտնել է, որ ռուսական զորքերը լրացուցիչ ուժեր են տեղափոխում Զապորոժիեի շրջան Խերսոնից հարավ՝ մեծ կորուստների պատճառով։
Ռուսական հայտնի Telegram ալիքներից մեկը՝ WarGonzo-ն, հաստատել է, որ Ուկրաինայի զինված ուժերը ամրացել են Ռոբոտինում «և հարձակվում են Նովոպրոկոպովկայի վրա, որը գտնվում է ուժեղ հրետակոծության տակ»: Մինչ այդ, այսօր ՌԴ պաշտպանության նախարարությունը հայտնել է, որ Զապորոժիեի շրջանի Ռաբոտինո գյուղի մոտ դաշտային զինամթերքի պահեստ է ոչնչացվել։
Զապորոժիեի շրջանի ռազմական վարչակազմի ղեկավար Յուրի Մալաշկոն հայտնել է, որ այդ տարածքում մի քանի շաբաթ տևած մարտերից հետո Ռոբոտինոում գրեթե շենքեր չեն մնացել։
«Մեր զինվորները կամաց-կամաց առաջ են գնում, բայց նրանց [ռուս զինվորականների] տեղադրած ականապատ դաշտերը շատ մեծ են, և դրանք հաղթահարելու համար ժամանակ է պահանջվում»,- ասել է նա։
