12.12.2024 | 15:47
Պենտագոնը հայտարարել է, որ Սիրիայում քրդական ուժերի հետ համագործակցությունը շարունակվում է
ԱՄՆ-ը հոկտեմբերին կսկսի ուկրաինացի օդաչուներին F-16 ինքնաթիռներ վարելու ուսուցումը
Քաղաքականություն
25.08.2023 | 16:15
Միացյալ Նահանգները հոկտեմբերից կսկսի ուկրաինացի զինվորականներին ուսուցանել F-16 կործանիչներ վարելուն: Այս մասին ճեպազրույցում հայտարարել է ԱՄՆ Պաշտպանության նախարարության մամուլի քարտուղար Պատրիկ Ռայդերը, գրում է DW-ի ռուսական ծառայությունը։
«Սեպտեմբերին օդաչուների համար անգլերեն լեզվի ուսուցումից հետո, ակնկալվում է, որ F-16-երի օդաչուների վերապատրաստումը կսկսվի հոկտեմբերին Արիզոնա նահանգի Տուսոն քաղաքի Մորրիս ավիացիոն ազգային գվարդիայի բազայում՝ 162-րդ օդային ազգային գվարդիայի թևի աջակցությամբ»,- լրագրողներին ասել է բրիգադային գեներալ Ռայդերը:
Նա չի հստակեցրել ուկրաինացիների ստույգ թիվը, ովքեր ուսուցում կանցնեն։
«Մենք ակնկալում ենք, որ վարժանքներին կմասնակցեն մի քանի օդաչուներ և տասնյակ տեխնիկներ»,- ասել է Պենտագոնի ներկայացուցիչը։
Թեև ուկրաինացի օդաչուներից ոմանք անգլերեն գիտեն, ԱՄՆ ժամանելուն պես բոլոր զինվորականները պետք է լրացուցիչ վերապատրաստում անցնեն՝ հաշվի առնելով օդանավի հետագա վերապատրաստման համար անհրաժեշտ մասնագիտացված բառապաշարը, հավելել է Ռայդերը։
