16.05.2026 | 11:00
Դեսպան Նարեկ Մկրտչյանը հանդիպել է The James Madison Institute-ի փոխնախագահի հետ
ԱՄՆ հետախուզությունը հայտնել է, որ Պրիգոժինի ինքնաթիռի կործանումը դիտավորություն է
Քաղաքականություն
25.08.2023 | 13:49
Ամերիկյան հետախուզության նախնական գնահատականներով՝ ավիավթարի պատճառը, որում ինչպես հաղորդվում է, մահացել է «Վագների» ղեկավար Եվգենի Պրիգոժինը, դիտավորյալ պայթյունն է եղել, գրում է Euronews-ը։
ԱՄՆ-ի և արևմտյան պաշտոնյաներից մեկը, որը խոսել է նախնական գնահատականի մասին, հայտարարել է, որ Պրիգոժինը, «շատ հավանական է», հարձակման անմիջական թիրախն է եղել, և որ ավիավթարը համահունչ է «Վլադիմիր Պուտինի՝ իր քննադատներին լռեցնելու փորձերի երկար պատմությանը»:
Չնայած Պուտինը վարձկանների առաջնորդին հինգշաբթի անվանեց «տաղանդավոր մարդ»՝ մեծացան կասկածները, որ ՌԴ նախագահը կանգնած է Պրիգոժինի մահվան հետևում:
Պաշտոնյաները, ովքեր անանունության պայմանով են խոսել, քանի որ իրենց չի թույլատրվել մեկնաբանություն տալ, մանրամասներ չեն ներկայացրել պայթյունի պատճառի մասին, որը, ըստ տարածված կարծիքի, վրեժ էր Պրիգոժինի հունիսյան ապստամբության համար, որն ամենալուրջ մարտահրավերն էր Ռուսաստանի ղեկավարի 23-ամյա գործունեությանը:
Ենթադրաբար, զոհվել են նաև Պրիգոժինի մի քանի մերձավոր համախոհներ, լրատվամիջոցները հաղորդում են, մասնավորապես, վագներականների հրամանատար Դմիտրի Ուտկինի և խմբավորման «ֆինանսիստ» Վալերի Չեկալովի մահվան մասին։
