07.10.2026 | 23:48
Արթուր Դանիելյանը կալանավորվեց
Թայվանը հայտարարել է, որ Չինաստանը վերսկսում է ռազմական գործունեությունը կղզու շուրջ
Քաղաքականություն
25.08.2023 | 14:53
Թայվանի իշխանությունները հայտարարել են կղզու շուրջ չինական ռազմական գործողությունների վերսկսման մասին։ Նշվում է, որ օգոստոսի 25-ին չինական 13 ռազմական ինքնաթիռներ և 5 պարեկային նավեր մտել են Թայվանի «արձագանքման» գոտի, գրում է Reuters-ը՝ վկայակոչելով Թայվանի Պաշտպանության նախարարությանը։
Ըստ այդ տվյալների՝ տեղական ժամանակով ժամը 7-ից թայվանցի զինվորականները հայտնաբերել են, ընդհանուր առմամբ, 22 չինական ռազմական ինքնաթիռ՝ ներառյալ կործանիչներ և ռմբակոծիչներ, ինչպես նաև անօդաչու թռչող սարքեր, որոնցից 13-ը մտել են Թայվանի ՀՕՊ գոտի։ ՉԺՀ-ի գործողությունների այլ մանրամասներ չեն հաղորդվում։
Թայվանը ինքնաթիռներ և նավեր է ուղարկել չինացի զինվորականներին հսկելու համար։ Reuters-ի փոխանցմամբ՝ Թայվանի իշխանությունները չեն հայտնում, թե որտեղ է գտնվում իրենց «արձագանքման գոտին», սակայն ուշադիր հետևում են Թայվանի նեղուցին, ինչպես նաև կղզուց հարավ և հարավ-արևմուտք ընկած տարածքին։
