03.07.2026 | 01:00
ԱԱ-2026. Իսպանիան վստահ հաղթեց և 1/8 եզրափակիչում է. ՏԵՍԱՆՅՈՒԹ
Բինալի Յըլդըրըմն ընտրվել է մեջլիսի նախագահ
14.07.2018 | 16:34
Թուրքիայի նախկին վարչապետ Բինալի Յըլդըրըմն ընտրվել է ազգային ժողովի նախագահ։
Հուլիսի 12-ին խորհրդարանում կազմակերպված փակ քվեարկության 3-րդ փուլում նախկին վարչապետ Յըլդըրըմը՝ ստանալով պատգամավորներից 335-ի ձայնը, ընտրվել է մեջլիսի նախագահ: Քվեարկությանը մասնակցել է 584 պատգամավոր:
Խորհրդարանում ներկայացված 5 կուսակցություններից 4-ը թեկնածու էին առաջադրել: Թուրքիայի իշխող «Արդարություն և զարգացում» (ԱԶԿ-AKP) կուսակցության թեկնածուն Բինալի Յըլդըրըմն էր, որն էլ ընտրվեց այդ պաշտոնում։ Ընդդիմադիր քեմալական «Ժողովրդահանրապետական» կուսակցության (ԺՀԿ-CHP) թեկնածուն է եղել Էրդողան Թոփրաքը, որը ստացել է 135 քվե։ Ընդդիմադիր քրդամետ «Ժողովուրդների դեմոկրատական կուսակցությունն» (ԺԴԿ-HDP) առաջադրել էր Մերալ Դանըշ Բեշթաշի թեկնածությունը: Նա ստացել է 63 ձայն: Իսկ ազգայնական «İYİ» (Լավ) կուսակցության թեկնածու Հայրեթթին Նուհօղլուն ստացել է 40 ձայն:
Աղբյուրը՝ ermenihaber.am
