11.12.2024 | 23:30
Թուրքիան Մեծ Բրիտանիայից շահագործումից հանված Super Hercules ռազմատրանսպորտային ինքնաթիռներ կգնի
Պուտինն ու Էրդողանը կհանդիպեն Սոչիում սեպտեմբերի 4-ին․ աղբյուր
Քաղաքականություն
24.08.2023 | 17:41
Թուրքիայի և Ռուսաստանի նախագահներ Ռեջեփ Թայիփ Էրդողանը և Վլադիմիր Պուտինը կհանդիպեն սեպտեմբերի 4-ին Սոչիում։ Այս մասին ՏԱՍՍ-ին հայտնել է դիվանագիտական աղբյուրը։
Թուրքիայի նախագահի աշխատակազմում ՌԻԱ Նովոստիի աղբյուրն էլ հայտնել է, որ հանդիպման ժամկետի և վայրի հետ կապված քննարկումներն ընթանում են դիվանագիտական խողովակներով, սակայն դեռ հստակություն չկա։
«Մենք ակնկալում ենք, որ հանդիպումը կկայանա սեպտեմբերին»,- հավելել է ռուսական գործակալության աղբյուրը։
Հուլիսին Էրդողանն ասել էր, որ սպասվում է ՌԴ նախագահի այցը Թուրքիա, սակայն այս շաբաթ Yeni Safak-ի և NTV-ի աղբյուրները հայտնել էին, որ հանդիպումը տեղի կունենա Ռուսաստանում։ Նրանց կարծիքով՝ այս այցը քայլ կլինի հացահատիկային գործարքի վերականգնման ուղղությամբ։
