07.10.2026 | 23:48
Արթուր Դանիելյանը կալանավորվեց
Ուկրաինայի հետախուզությունը հայտնել է Ղրիմում հատուկ գործողություն իրականացնելու մասին
Քաղաքականություն
24.08.2023 | 18:52
Օգոստոսի 24-ին Ուկրաինայի ՊՆ Գլխավոր հետախուզական վարչության (ԳՈՒՎ) ստորաբաժանումները հատուկ գործողության շրջանակում վայրէջք են կատարել Ղրիմում՝ Թարխանկուտ հրվանդանում։ BBC-ի ռուսական ծառայության փոխանցմամբ՝ այս մասին հայտնել է ռազմական հետախուզության ծառայության ներկայացուցիչ Անդրեյ Յուսովը։
«ԳՈՒՎ-ը Ուկրաինայի ռազմածովային նավատորմի հետ համատեղ իրականացրել է հատուկ գործողություն, նպատակներն իրագործվել են, անձնակազմի շարքերում զոհեր չկան։ Բոլոր մանրամասները չենք հայտնում, հակառակորդի անձնակազմում կան կորուստներ»,- ասել է նա։
Ըստ ԶԼՄ-ների՝ հինգշաբթի առավոտյան ժամը 5-ին պայթյուններ են հնչել Թարխանկուտ հրվանդանի Մայակ բնակավայրի մոտ։ Մանրամասները դեռևս հայտնի չեն։
Ռուսական աղբյուրները գրում են մի խումբ ուկրաինացի դիվերսանտների մասին, որոնք ժամանել են նավակներով ու կրակ բացել։
Նշվում է, որ Թարխանկուտ հրվանդանում տեղակայված է ռուսական ռադիոտեխնիկական բազա և գործում են մի քանի ռադիոտեղորոշիչ համակարգեր։
