15.09.2026 | 21:45
Եվրոպան Հայաստանին ցույց տվեց, որ կարող է լինել հուսալի գործընկեր՝ ոչ միայն խոսքով․ Բոգդան Զդրոևսկին՝ ԵԽ-ում քվեարկության մասին
Աբխազիան հակադարձել է Մեդվեդևին․ ՌԴ կազմում ներառվել չեն ցանկանում
Քաղաքականություն
24.08.2023 | 16:38
Ռուսաստանի կողմից օկուպացված Աբխազիան չի դիտարկում Ռուսաստանի Դաշնությանը միանալու հնարավորությունը։ Այս մասին ասել է Աբխազիայի Անվտանգության խորհրդի քարտուղար Սերգեյ Շամբան, գրում է Գրուզիա օնլայնը։
«Մենք չունենք այնպիսի քաղաքական ուժեր, որոնք առաջարկում են մուտք գործել Ռուսաստանի կազմի մեջ»,- ասել է նա։
Ըստ Շամբայի՝ հանրապետության քաղաքական ուժերը «կողմ են Ռուսաստանի հետ սերտ ու դաշնակցային հարաբերություններին», բայց ոչ նրա սուբյեկտներից մեկը դառնալուն։
2008 թվականից ի վեր ստորագրվել է շուրջ 200 համաձայնագիր, ընթանում է երկու երկրների օրենսդրությունների ներդաշնակեցման գործընթացը, ինչը նպաստում է Ռուսաստանի և Աբխազիայի է՛լ ավելի մերձեցմանը, նշել է Շամբան։
Նա նաև հայտնել է, որ Աբխազիայի նախագահ Ասլան Բժանիան շուտով Մոսկվայում կհանդիպի ՌԴ Անվտանգության խորհրդի ղեկավարի տեղակալ Դմիտրի Մեդվեդևի հետ։ Օգոստոսի 22-ին Մեդվեդևը հայտարարել էր, թե Աբխազիան և Հարավային Օսիան կարող են միացվել Ռուսաստանին, եթե Վրաստանը գնա Արևմուտքի և ՆԱՏՕ-ի հետ մերձեցման։
