30.05.2026 | 23:02
ՊՍԺ-ն երկրորդ տարին անընդմեջ դարձավ Չեմպիոնների լիգայի հաղթող․ ՏԵՍԱՆՅՈՒԹ
Ճապոնիան սկսել է «Ֆուկուսիմա» ԱԷԿ-ի ջրի բացթողումը
Քաղաքականություն
24.08.2023 | 14:53
Ասիական երկրները քննադատում են «Ֆուկուսիմա-1» ատոմակայանից ռադիոակտիվ ջրի բացթողումը Խաղաղ օվկիանոս, որը Ճապոնիայի իշխանություններն սկսել են օգոստոսի 24-ին, գրում է DW-ի ռուսական ծառայությունը։
«Օվկիանոսն ամբողջ մարդկության ընդհանուր սեփականությունն է, և «Ֆուկուսիմա»-ի միջուկային կեղտաջրերի հարկադիր բացթողումը չափազանց եսասիրական ու անպատասխանատու գործողություն է, որն անտեսում է միջազգային հանրային շահերը»,- հայտարարել է Չինաստանի ԱԳՆ-ն:
Ըստ Պեկինի՝ Ճապոնիան «չի ապացուցել իր ծրագրի օրինականությունը» և «ռադիոակտիվ կեղտաջրերի մաքրման սարքավորումների երկարաժամկետ հուսալիությունը»։ Բացի այդ, Տոկիոյի իշխանությունները չեն ապացուցել արտանետվող սոդայի անվնաս լինելու վերաբերյալ տվյալների իսկությունը և ճշգրտությունը ծովային միջավայրի և մարդկանց առողջության համար, հայտնում է Չինաստանը։
«Ճապոնական կողմը ռիսկերը տեղափոխել է ողջ աշխարհի վրա և ցավը փոխանցել գալիք սերունդներին»,- նշել են Չինաստանի նախարարությունից։
Իր հերթին, Հարավային Կորեան Տոկիոյին կոչ է արել թափանցիկություն ապահովել «Ֆուկուսիմա-1» ԱԷԿ-ից ջրի բացթողման գործընթացում։ Ըստ Հարավային Կորեայի վարչապետ Հան Դոկ Սուի՝ Ճապոնիայի իշխանությունները պետք է ամբողջ պատասխանատվությամբ բացահայտեն այս առնչությամբ տեղեկատվությունը և առաջիկա 30 տարվա համապատասխան պլանները:
