14.12.2024 | 14:18
Ռուսաստանում արգելափակվել է Viber-ը
BRICS-ը հայտարարել է կազմակերպության ընդլայնման մասին
Քաղաքականություն
24.08.2023 | 16:14
BRICS-ի երկրների ղեկավարները 15-րդ գագաթնաժողովի արդյունքներով ընդունել են Յոհաննեսբուրգի հռչակագիրը, հայտարարել է Հարաֆրիկյան Հանրապետության նախագահ Սիրիլ Ռամաֆոսան, գրում է Կոմերսանտը։
Գագաթնաժողովի արդյունքում կազմակերպության անդամները համաձայնեցրել են այն երկրների ցանկը, որոնք հրավիրվելու են կազմակերպություն։ Արգենտինան, Եգիպտոսը, Եթովպիան, Իրանը, Սաուդյան Արաբիան, ԱՄԷ-ն 2024 թվականի հունվարի 1-ից կդառնան BRICS-ի լիիրավ անդամներ։
«Մենք որոշել ենք հրավիրել Արգենտինային, Եգիպտոսին, Եթովպիային, Իրանին, Սաուդյան Արաբիային և ԱՄԷ-ին՝ դառնալ BRICS-ի լիիրավ անդամներ»,- գագաթնաժողովում ելույթի ժամանակ հայտարարել է Ռամաֆոսան։
Ռուսաստանի նախագահ Վլադիմիր Պուտինը շնորհավորել է կազմակերպությանն ընդլայնման կապակցությամբ, թեև նշել է, որ վերջնական հռչակագրի շուրջ համաձայնության գալը հեշտ չէ։ Նա հայտարարել է, որ «մենք կշարունակենք մեր սկսած աշխատանքը՝ կընդլայնենք BRICS-ի ազդեցությունն աշխարհում»։
