Քաղաքականություն
24.08.2023 | 14:30
ԱՄՆ նախագահ Ջո Բայդենը լրագրողների հետ ճեպազրույցում հայտարարել է, որ չի տիրապետում ռուսական «Վագներ» մասնավոր ռազմականացված կազմակերպության հիմնադիր Եվգենի Պրիգոժինի հնարավոր մահվան մանրամասներին, գրում է Bloomberg-ը։
«Ես հստակ չգիտեմ, թե ինչ է տեղի ունեցել, բայց զարմացած չեմ»,- ասել է Բայդենը։
Լրագրողների հարցին, թե Վլադիմիր Պուտինին պատասխանատու համարո՞ւմ է ինքնաթիռի կործանման համար, ԱՄՆ նախագահը պատասխանել է․ «ՌԴ-ում քիչ բան է տեղի ունենում, որի հետևում Պուտինը չի կանգնած։ Ես բավարար տեղեկություններ չունեմ՝ այդ հարցին պատասխանելու համար»։
Հիշեցնենք՝ օգոստոսի 23-ի երեկոյան Տվերի մարզում կործանվել է «Վագների» հիմնադիր Եվգենի Պրիգոժինին պատկանող ինքնաթիռը։ Օդային տրանսպորտի դաշնային գործակալության տվյալներով՝ ուղևորների ցուցակում է նաև գործարար, մասնավոր ռազմականացված ընկերության հրամանատար Դմիտրի Ուտկինը։
«Վագներին» մոտ կանգնած Grey Zone Telegram-ալիքը հայտնել է, որ Պրիգոժինն ու Ուտկինը զոհվել են։ Վարձկանների հետ կապ ունեցող մեկ այլ ալիք կոչ է արել չհրապարակել Պրիգոժինի ճակատագրի մասին չստուգված տեղեկություններ։
Հավելենք, որ Պրիգոժինի ինքնաթիռի կործանումը տեղի է ունեցել մասնավոր ռազմականացված խմբավորման հիմնադրի ապստամբությունից երկու ամիս անց։
«Ինտերֆաքսի» տեղեկություններով՝ որոնողական օպերացիան օդանավի կործանման վայրում ավարտված է։ Հայտնաբերվել է 10 մարդու դի։
"There is not much that happens in Russia that Putin's not behind."
Biden says he doesn't know what happened regarding the private jet crash possibly involving Wagner leader Yevgeny Prigozhin, but he "is not surprised" https://t.co/pCRWxycN39 pic.twitter.com/W8zRAkSXPH
— Bloomberg Politics (@bpolitics) August 23, 2023
