06.06.2026 | 01:06
«Ուժեղ Հայաստանի» մասնակցությունը կվիճարկվի՞ Վարչական դատարանում, թե՞ ոչ․ «Հանրապետության» անդամը՝ իրենց որոշման մասին
Պուտինը տեսակապով ելույթ է ունեցել BRICS-ի գագաթնաժողովին
Քաղաքականություն
23.08.2023 | 18:32
ՌԴ նախագահ Վլադիմիր Պուտինը, որը չի մեկնել Հարավաֆրիկյան Հանրապետությունում անցկացվող BRICS-ի գագաթնաժողովին, տեսակապով է ելույթ ունեցել, ինչպես և նախատեսված էր։ Պուտինի ուղևորությունը չեղարկվել է Միջազգային քրեական դատարանի կողմից ուկրաինացի երեխաներին արտաքսելու մեղադրանքով նրան ձերբակալելու հրամանից հետո, փոխանցում է BBC-ի ռուսական ծառայությունը:
Իր խոսքում Պուտինը, որն անցած տարվա փետրվարին զինված ներխուժում է սկսել Ուկրաինա, հերթական անգամ խոսել է «բազմաբևեռ աշխարհակարգի» մասին, որը հիմնված կլինի միջազգային իրավունքի վրա։
ՌԴ նախագահը հերթական անգամ փորձել է պատերազմն արդարացնել Ուկրաինայի արևելքում ապրող մարդկանց մասին հոգալու հայտարարարությամբ։
ԲՐԻԿՍ-ի հաջորդ գագաթնաժողովը նախատեսվում է անցկացնել 2024 թվականի հոկտեմբերին Ռուսաստանում, մասնավորապես՝ Կազանում, ասել է Պուտինը։
