24.11.2024 | 14:02
Ավտոմեքենայի դուռը փակվել է, 1-ամյա երեխան մնացել է ներսում․ օգնել են փրկարարները
Դոնալդ Թրամփը դարձել է P01135809 համարի բանտարկյալը, բայց մնացել է ազատության մեջ
Քաղաքականություն
25.08.2023 | 12:06
ԱՄՆ նախկին նախագահ Դոնալդ Թրամփը հինգշաբթի ժամանել է Ջորջիա նահանգի մայրաքաղաք Ատլանտայի բանտ և ներկայացել որպես քրեական գործով մեղադրյալ։ Նա անմիջապես ազատ է արձակվել, քանի որ շաբաթվա սկզբին դատավորը որոշել է 200 հազար դոլար գրավի դիմաց նրան ազատության մեջ թողնել մինչև դատավարությունը, գրում է BBC-ի ռուսական ծառայությունը։
Ատլանտայի Ֆուլթոնի շրջանային դատախազը Թրամփին մեղադրում է 2020 թվականի նախագահական ընտրությունների արդյունքներին միջամտելու փորձի մեջ։ Ըստ պաշտոնական մեղադրանքի՝ նա դա պահանջել է պաշտոններ զբաղեցնող հանրապետական քաղաքական գործիչներից։ Ինքը՝ նախկին նախագահը, հերքում է այս մեղադրանքները։
Օդանավակայանից մեծ ավտոշարասյունով ժամանած Թրամփը Ֆուլթոն շրջանի բանտում անցկացրել է ընդամենը 20 րոպե։ Նրան գրանցել են որպես բանտարկյալ P01135809 համարով, մատնահետքեր են վերցրել ու լուսանկարել։
Դոնալդ Թրամփը դարձել է ԱՄՆ նախկին և ներկա նախագահներից առաջինը, որն անցնում է մի քանի քրեական գործերով, իսկ հինգշաբթի հրապարակված լուսանկարը պատմության մեջ ԱՄՆ նախագահի առաջին պաշտոնական բանտային լուսանկարն է։
