06.06.2026 | 14:49
Անօդաչու թռչող սարքեր և հատուկ տեխնիկա․ ընտրություններից առաջ Հակակոռուպցիոն կոմիտեն լայնածավալ գործողություններ է իրականացնում
Մեդվեդևը հնարավոր է համարել Աբխազիայի և Հարավային Օսիայի՝ ՌԴ-ին միանալը
Քաղաքականություն
23.08.2023 | 14:09
Հարավային Օսիան և Աբխազիան Ռուսաստանին միացնելու գաղափարը միանգամայն իրագործելի է։ Այս մասին հայտարարել է ՌԴ Անվտանգության խորհրդի փոխնախագահ Դմիտրի Մեդվեդևը՝ մեկնաբանելով Վրաստանի՝ ՆԱՏՕ-ին անդամակցելու հարցի շուրջ բանակցությունների վերսկսումը։
«Կրկին խոսվում է ՆԱՏՕ-ին Վրաստանի հնարավոր անդամակցության մասին։ Մեզ պետք չէ 2008 թվականի պատմության կրկնություն։ Մենք պատրաստ ենք լուծել խնդիրները բանակցությունների սեղանի շուրջ՝ ՄԱԿ-ի կանոնադրության ոգով:
Բայց եթե մեր մտահոգությունն իրական ուրվագծեր ստանան, մենք չենք վարանի։ Աբխազիայում և Հարավային Օսիայում դեռևս տարածված է Ռուսաստանին միանալու գաղափարը։ Եվ միանգամայն իրագործելի է, եթե դրա համար հիմնավոր պատճառներ լինեն»,- գրել է Մեդվեդևը AIF-ի համար հոդվածում։
Ըստ նրա՝ 2008 թվականին Ռուսաստանի կողմից «Աբխազիայի և Հարավային Օսիայի անկախության ճանաչումը համապատասխանում էր այդ երկրների ժողովուրդների կամքին, ՄԱԿ-ի կանոնադրությանը և պատմական արդարությանը»։
