07.10.2026 | 23:00
Երթևեկության կազմակերպման փոփոխություն՝ Հակոբ Պարոնյան փողոցում
Երևան-Սևան ավտոճանապարհին 3 մեքենա է բախվել․ տուժածներից մեկի վիճակը ծանր է
22.08.2023 | 21:27
Օգոստոսի 22-ին, ժամը 09։30-ին Կոտայքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Երևան-Սևան ավտոճանապարհին՝ Արծվի արձանի մոտակայքում, տեղի է ունեցել ՃՏՊ․ կան տուժածներ։
Դեպքի վայր են մեկնել ՆԳՆ ՓԾ մարզային փրկարարական վարչության օպերատիվ խումբը, հրշեջ-փրկարարական ջոկատից մեկ մարտական հաշվարկ և փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը։
Պարզվել է, որ Երևան-Սևան ավտոճանապարհի 12-րդ կմ-ին բախվել են «Opel» (վարորդ՝ Ռ․ Վ․, ծնված 1986 թ.), «Mitsubishi» (վարորդ՝ Հ․ Խ․) և «Honda» (վարորդ՝ Գ․ Դ․, ծնված 1997 թ.) մակնիշների ավտոմեքենաները:
Մինչ փրկարարների կանչի վայր հասնելը՝ տարածքը սահմանազատվել է տեղի ուժերով:
Փրկարարները պարեկային ծառայության աշխատակիցների հետ համատեղ «Mitsubishi» մակնիշի ավտոմեքենայի ուղևոր Մ․ Ս․-ին (ծնված 1995 թ.) մոտեցրել են պարեկային ծառայության ավտոմեքենային. տուժածը հոսպիտալացվել է բժշկական կենտրոն, որտեղ ստանալով համապատասխան բուժօգնություն՝ դուրս է գրվել:
Փրկարարները «Opel» մակնիշի ավտոմեքենայի ուղևոր Ռ․ Վ․-ին (ծնված 1985 թ.), «Honda» մակնիշի ավտոմեքենայի վարորդին և ուղևոր Ս․ Դ․-ին (ծնված 1997 թ.) մոտեցրել են շտապօգնության ավտոմեքենաներին․ տուժածները հոսպիտալացվել են բժշկական կենտրոն, որտեղ բժիշկները Ռ․ Վ․-ի առողջական վիճակը գնահատել են ծանր, իսկ մյուսներինը՝ բավարար:
Փրկարարները հոսանքազրկել են ավտոմեքենաները, փակել գազի բալոնի փականները և իրականացրել ճանապարհի լվացման աշխատանքներ:
