07.10.2026 | 23:48
Արթուր Դանիելյանը կալանավորվեց
Իրանը ներկայացրել է Mohajer-10 անօդաչու թռչող սարքը
Քաղաքականություն
22.08.2023 | 18:11
Իրանի նախագահ Իբրահիմ Ռաիսին երկրի պաշտպանական արդյունաբերության վերջին ձեռքբերումների ցուցահանդեսին ներկայացրել է Mohajer-10 անօդաչու թռչող սարքը, հայտնում է ISNA-ն։
Անօդաչու թռչող սարքն ունի 7 կմ բարձրության վրա անընդմեջ թռչելու հնարավորություն՝ 2000 կմ հեռահարությամբ։
Mohajer-10-ի վառելիքի առավելագույն պաշարը 450 լիտր է, բեռների առավելագույն քաշը՝ 300 կգ, արագությունը՝ 210 կմ/ժ։ Անօդաչու թռչող սարքը հագեցած է էլեկտրոնային պատերազմի հետախուզական համակարգերով և կարող է կրել տարբեր տեսակի զինամթերք, այդ թվում՝ «Ghaem» և «Almas» ռումբեր: ArabNews-ը նշում է, որ Mohajer-10-ի օգտակար բեռնվածությունը երկու անգամ գերազանցում է Mohajer-6-ին:
Ուկրաինացի և արևմտյան պաշտոնյաները կարծում են, որ Իրանը Ռուսաստանին անօդաչու թռչող սարքեր է վաճառում, այդ թվում՝ Mohajer-6: Մոսկվան հերքում է այս տեղեկությունները։
