07.12.2025 | 21:40
Վարդենյաց լեռնանցքում ձյուն է տեղում. Դիլիջանի, Սպիտակի ոլորաններում մառախուղ է
Էստեղ անիմաստ խոսակցություններով չենք զբաղված․ գնացե՛ք, հասկացե՛ք՝ ինչ իրավախախտում է տեղի ունեցել․ Ավինյան․ ՏԵՍԱՆՅՈՒԹ
Տնտեսություն
21.08.2023 | 11:16
Երևանի քաղաքապետարանի գործակարգավարական նիստի ժամանակ Բնապահպանության և ընդերքի տեսչական մարմնի տարածքային ղեկավարը զեկուցեց, որ նախորդ շաբաթվա ընթացքում շարունակվել են շինհրապարակներում փոշու արտանետումների դեմ ուղղված միջացառումները, որոնց շրջանակներում կազմվել է թվով 3 վարչական իրավախախտում։
Փոփքաղաքապետ Տիգրան Ավինյանը հետաքրքրվեց, թե Քանաքեռ- Զեյթուն վարչական շրջանում շինարարական փոշու ամպի հետ կապված վարչական իրավախախտման արձանագրություն կազմվե՞լ է, թե՝ ոչ։
Ավինյանն ընդգծեց, որ պետք է պրոակտիվ լինել։
«Բոլոր խոշոր շինարարաները տեղեկացված են, որ այս խնդիրը մեր ուշադրության կենտրոնում է։ Մենք այստեղ անիմաստ խոսակցություններով չենք զբաղվում։ Եթե շինարարաները չեն հասկանում, որ մենք ուղղակի չենք խոսում, այլ պետք է հետևանք լինի, դա նշանակում է, որ այդ հետևանքն իրենց համար զգալի չէ։ Չեն հասկանում, որ կոնկրետ քայլեր պետք է ձեռնարկենք։ Գնացեք՝ հասկացեք՝ ինչ է կատարվել, և վարչական իրավախախտում արձանագրեք, ամեն օր գնացեք»,- հանձնարարեց փոխքաղաքապետը։
Դիմելով համապատասխան վարչության աշխատակիցներին, փոխքաղաքապետբ ասաց, որ փոշու հետ կապված, եթե որևէ տեսանյութ հասանելի է դառնում իրեն, նշանակում է, որ իրենց դա առաջին հերթին պետք է հասանելի լիներ, և իրենք պետք է արդեն գնացած ու տվյալ շինարարին տուգանած լինեիք:
Ավինյանը հավելեց, որ ակնկալում է՝ սեպտեմբերին անպայման պետք է զբաղվեն Երևանում շինարարության հետևանքով առաջացած փոշու հարցով։
Մանրամասները՝ տեսանյութում։
