07.10.2026 | 23:48
Արթուր Դանիելյանը կալանավորվեց
Հակոբ Սիմիդյանն ընդունել է Հայաստանում Իրանի դեսպան Մեհդի Սոբհանիի գլխավորած պատվիրակությանը
18.08.2023 | 18:50
Շրջակա միջավայրի նախարար Հակոբ Սիմիդյանն այսօր ընդունել է Հայաստանում Իրանի Իսլամական Հանրապետության արտակարգ և լիազոր դեսպան պարոն Մեհդի Սոբհանիի գլխավորած պատվիրակությանը․ տեղեկացնում են ՇՄՆ-ից։
Հանդիպմանը մասնակցել է նախարարի տեղակալ Տիգրան Գաբրիելյանը։
Նախարար Հակոբ Սիմիդյանը ողջունել է գործընկերներին և շնորհավորել պարոն դեսպանին նշանակման կապակցությամբ ու հաջողություններ մաղթել պատասխանատու առաքելության մեջ:
Նախարարն հույս է հայտնել Հայաստանում Իրանի Իսլամական Հանրապետության դեսպանի նշանակումը նոր խթան կհանդիսանա երկու երկրների հարաբերությունների հետագա զարգացման համար:
«Մեր երկրների միջև առկա են բարեկամական դիվանագիտական հարաբերություններ և ոլորտային սերտ համագործակցություն, լիահույս եմ, որ Ձեր նշանակումը կնպաստի շրջակա միջավայրի ոլորտում փոխգործակցության սերտացմանը և արդյունավետության բարձրացմանը»,-նշել է նախարարը։
Հանդիպման ընթացքում քննարկվել է հարցերի լայն օրակարգ։ Կողմերը պայմանավորվել են համագործակցել տարածարջանում բնապահպանական խնդիրների կանխման և լուծման ուղղությամբ, իրականացնել փորձի փոխանակում և համատեղ ծրագրեր։
Հանդիպման ընթացքում կողմերի միջև այմանավորվածություն է ձեռք բերվել քննարկված գաղափարների իրագործման ուղղությամբ մեկտեղել ջանքերը:
