06.06.2026 | 11:03
ՄԱԿ-ի Գլխավոր ասամբլեան միաձայն ընդունել է Հայաստանի ներկայացրած «Կրթություն հանուն խաղաղության» բանաձևը
Պատերազմում հաղթանակը նշանակում է ՌԴ-ի ամբողջական հեռացում Ուկրաինայից․ ԱՄՆ Պետքարտուղարություն
Քաղաքականություն
18.08.2023 | 21:43
ԱՄՆ Պետքարտուղարությունը հայտարարել է, որ պատերազմում հաղթանակը նշանակում է Ռուսաստանի «ամբողջական դուրսբերում» Ուկրաինայից։ VOA-ի փոխանցմամբ՝ Պետքարտուղարության խոսնակ Վեդան Պատելն այս մասին հայտարարել է Խորհրդային Միությունից Ուկրաինայի անկախության 32-րդ տարեդարձի կապակցությամբ, որը նշվելու է հաջորդ շաբաթ։
«Այս տարվա տոնակատարությունները դառնություն կունենան ուկրաինացիների համար, քանի որ վերջին 18 ամիսների ընթացքում նրանք բախվել են Ռուսաստանի կառավարության դաժան հարձակումներին»,- ասել է Պատելը:
«Այժմ, երբ մոտենում ենք Ուկրաինա Ռուսաստանի ներխուժման 18-ամսյա նշագծին, եկեք հիշենք նախագահ Ջո Բայդենի խոսքերն այն մասին, որ Ուկրաինայի պատերազմում հաղթելը Ռուսաստանի ամբողջական դուրսբերումն է Ուկրաինայից։ Եվ չնայած մենք աջակցում ենք արդար և կայուն խաղաղության հասնելու ջանքերին, Ուկրաինան կա և կլինի անկախ, ինքնիշխան, ժողովրդավարական և բարգավաճ երկիր»,- հավելել է պաշտոնյան։
