14.11.2024 | 10:27
Արտարժույթների փոխարժեքները՝ նոյեմբերի 14-ի դրությամբ
Մոսկվան ԼՂ հակամարտության կողմերին կոչ է անում կայունացնել իրավիճակը. ՌԴ ԱԳՆ
Քաղաքականություն
06.07.2017 | 13:18
Ռուսաստանն անընդունելի է համարում հետագա արյունահեղությունը Լեռնային Ղարաբաղի հակամարտության գոտում. այս մասին հայտարարել է ՌԴ արտգործնախարարության պաշտոնական ներկայացուցիչ Մարիա Զախարովան՝ մեկնաբանելով օրերս հակամարտության գոտում գրանցված լարվածության աճը, որի արդյունքում քաղաքացիներ են զոհվել. փոխանցում է eadaily.com-ը:
«Մենք կոչ ենք անում կողմերին ձեռնարկել բոլոր անհրաժեշտ միջոցները՝ իրավիճակը կայունացնելու համար», – ասել է նա:
Ինչպես նշել է Զախարովան՝ Ռուսաստանն աջակցում է ԵԱՀԿ Մինսկի խմբի համանախագահների հայտարարությանը, որում «ընդգծվում է բռնությունը դադարեցնելու և բանակցությունները վերսկսելու անհրաժեշտությունը»:
