12.12.2024 | 15:47
Պենտագոնը հայտարարել է, որ Սիրիայում քրդական ուժերի հետ համագործակցությունը շարունակվում է
Ուկրաինայի ԶՈւ-ն մեկ օրում երկու Կա-52 ուղղաթիռի խոցման մասին է հայտնել
Քաղաքականություն
17.08.2023 | 16:34
Ուկրաինական Զապորոժիեի շրջանի Ռաբոտինո գյուղի տարածքում Ուկրաինայի Զինված ուժերի 47-րդ առանձին մեքենայացված բրիգադի զինծառայողները խոցել են ռուսական Կա-52 ուղղաթիռ («Ալիգատոր»):
47-րդ բրիգադի Facebook-յան էջում հրապարակված հաղորդագրության համաձայն՝ ժամը 07։40-ի սահմաններում «Ալիգատորը» նկատել է զենիթահրթիռային և հրետանային գումարտակի կրակային խումբը, ուղղաթիռը խոցվել է զենիթահրթիռային համակարգից մեկ արձակման միջոցով։
«47-րդ բրիգադի հաշվին սա արդեն 8-րդ հավերժ հողին հանձնված Կա-52-ն է»,- ասվում է հաղորդագրության մեջ։
DW-ի ռուսական ծառայությունը հայտնում է, որ այս տեղեկությունից մոտ երկու ժամ առաջ էլ հայտնի էր դարձել, որ նույն մոդելի ռուսական ուղղաթիռ է խոցվել նաև Բախմուտի ուղղությամբ։
