15.09.2026 | 22:27
Արարատ Միրզոյանը հասարակական խորհրդի նիստում ներկայացրել է արտաքին քաղաքականության առաջնահերթությունները
Լիտվան հայտարարել է Բելառուսի հետ սահմանին երկու անցակետերի փակման մասին
Քաղաքականություն
16.08.2023 | 18:14
Լիտվայի պետական սահմանապահ ծառայությունը նախօրեին հայտարարել էր սահմանապահների «լրացուցիչ մոբիլիզացիա»՝ Բելառուսի հետ սահմանին «հիբրիդային սպառնալիքի կտրուկ աճի» պատճառով, հաղորդում է DW-ի ռուսական ծառայությունը։
Լատվիան, Լիտվան և Լեհաստանը սկսել են հրատապ միջոցներ ձեռնարկել իրենց սահմաններն ամրապնդելու համար՝ վախենալով Բելառուսում «Վագներ» ռազմականացված խմբավորման տեղակայումից հետո սադրանքներից։
Հուլիսի սկզբին այս երկրների նախագահները նամակով դիմել են ՆԱՏՕ-ի գլխավոր քարտուղարին և դաշինքի երկրների ղեկավարներին՝ կոչ անելով միջոցներ ձեռնարկել Ռուսաստանից և Բելառուսից բխող սպառնալիքներին դիմակայելու համար։
Լեհաստանի վարչապետ Մատեուշ Մորավիեցկին էլ օգոստոսի սկզբին հայտնել էր, որ, ըստ Լեհաստանի և Լիտվայի, Բելառուսում կա մոտ 4000 վարձկան «Վագներ» խմբից, որոնք կարող են օգտագործվել սադրանքների համար։
«Վագների» վարձկանների մասնակցությամբ լուրջ միջադեպի դեպքում Լեհաստանը, Լիտվան և Լատվիան կարող են միաժամանակ փակել Բելառուսի հետ սահմանները, ավելի վաղ զգուշացրել էին իշխանությունները։
