08.10.2026 | 18:19
Միրզոյանն ու Ղազախստանի ԱԳ նախարարը քննարկել են տարածաշրջանային փոխկապակցվածությունն ու խաղաղության ջանքերը
Հավայան կղզիներում անտառային հրդեհների հետևանքով մարդկային կորուստների թիվը գերազանցել է 100-ը
Քաղաքականություն
16.08.2023 | 15:17
Հավայան Մաուի կղզում անտառային հրդեհների ժամանակ զոհերի թիվը հասել է 106-ի։ Այս մասին հայտնել է Հավայան կղզիների նահանգապետ Ջոշ Գրինը, հայտնում է CNN-ը։
Նրա խոսքով՝ կապի ընդհատումների պատճառով անհետ կորածների թիվը դեռևս չի պարզվել։
«Շատերը ստիպված են եղել փախչել՝ թողնելով իրենց ողջ ունեցվածքը։ Նրանք չունեն հեռախոս, սարքավորումները ոչնչացվել են»,- պատմել է նահանգապետը։
Մինչ այժմ հարյուրից ավելի մահացածներից միայն 4-ի ինքնությունն է պարզվել։ Նշվում է, որ դիերի մեծ մասը հայտնաբերվել է բաց երկնքի տակ, մեքենաների կամ ջրի մեջ՝ ամենաշատը տուժած Լահայնա շրջանում։
Հավայան կղզիներ են ժամանել շներով լրացուցիչ փրկարարական ստորաբաժանումներ, ուստի որոնողափրկարարական աշխատանքները, որոնք մինչ այժմ ընդգրկել են տարածքի միայն 32%-ը, պետք է արագացվեն։
Նախնական հաշվարկներով՝ Մաուի-Լահայնա կղզու պատմական առողջարանային քաղաքի վերականգնման արժեքը գնահատվում է 5,5 մլրդ դոլար, կրակը վնասել կամ ավերել է ավելի քան 2200 շենք և այրել ավելի քան 850 հեկտար հող։
