26.06.2026 | 23:30
Հունիսի 29-ին Հայաստանի մի շարք հասցեներում էլեկտրաէներգիայի անջատումներ կլինեն
Ուկրաինայի իշխանությունները հայտնել են Օդեսայի շրջանի նավահանգիստների վրա նոր հարձակման մասին
Քաղաքականություն
16.08.2023 | 13:41
Ուկրաինայի ԶՈՒ ռազմաօդային ուժերը նշել են այն ուղղությունը, որտեղ Ռուսաստանը չորեքշաբթի գիշերը կամիկաձե անօդաչու սարքերով հարձակվել է Ուկրաինայի վրա։ Առավոտյան հաղորդագրության մեջ ասվում է, որ թիրախը եղել է Օդեսայի շրջանի նավահանգստային ենթակառուցվածքը, հարվածները հասցվել են «Շահեդ-136/131» տիպի անօդաչու սարքերով, փոխանցում է BBC-ի ռուսական ծառայությունը։
Ըստ ուկրաինացի զինվորականների՝ հարավ-արևելյան ուղղությամբ մի քանի ալիքներով հարձակումներ են իրականացվել, Օդեսայի և Նիկոլաևի շրջաններում խոցվել է 13 գրոհային անօդաչու թռչող սարք։
Ռուսաստանի ՊՆ-ն չի մեկնաբանել այս հարձակումը։ Ռուսաստանը հուլիսի կեսերից հարձակվում է Օդեսայի շրջանի վրա՝ պնդելով, որ թիրախավորում է ծովային անօդաչու նավերը:
Տարածաշրջանային ռազմական վարչակազմի ղեկավար Օլեգ Կիպերը հայտնել է, որ Դանուբի նավահանգիստներից մեկին հարվածների հետևանքով վնասվել են պահեստներ և ամբարներ։ Հարվածի հետևանքով առաջացած հրդեհները մարվել են, տուժածներ չկան, գրում են ուկրաինական լրատվամիջոցները։
