24.11.2024 | 19:08
ՃՏՊ Դիմիտրով գյուղի մոտ. 3 անձ տեղափոխվել է հիվանդանոց
Ուկրաինան ամրացնում է դիրքերը Խարկովից դեպի արևելք
Քաղաքականություն
15.08.2023 | 20:14
Ուկրաինայի Զինված ուժերն ուժեղացրել են կրակային դիրքերը և պահեստազորեր տեղափոխել դեպի Խարկովից արևելք գտնվող Լիմանսկ-Կուպյանսկ ուղղություն։ Այս մասին ասել է զորքերի արևելյան խմբի հրամանատարի տեղակալ Սերգեյ Չերևատին, գրում է BBC-ի ռուսական ծառայությունը։
Նրա խոսքով՝ Ուկրաինայի ցամաքային զորքերի հրամանատար Օլեքսանդր Սիրսկին անձամբ է մեկնել այս ուղղությամբ առաջնագիծ և «ուղիղ, խիստ ու հստակ հրահանգ է տվել՝ բազմաստիճան պաշտպանություն կառուցել»։
«Ամեն ինչ արվեց, որպեսզի թշնամին չկարողանա առաջ շարժվել»,- ասել է Չերևատին:
Ռուսական զորքերն առաջ են շարժվում Լիմանի և Կուպյանսկի տարածքում, տեղ-տեղ նրանց հաջողվել է մի քանի կիլոմետր առաջ շարժվել, սակայն չի հաջողվում ճեղքել ուկրաինական պաշտպանությունը։
Խարկովի շրջանի հրետակոծությունը, սակայն, ուժեղացել է։ Անցած շաբաթ Ուկրաինայի իշխանությունները հայտարարեցին Կուպյանսկից և շրջակա մի շարք գյուղերից պարտադիր տարհանման մասին։
