17.03.2026 | 14:45
Իրանի նոր առաջնորդը ողջ է մնացել ԱՄՆ-Իսրայել ավիահարվածից հետո, քանի որ դրանից առաջ տանից դուրս էր եկել տանից. The Telegraph
Իրանի իշխանությունները գործ են հարուցել նախկին նախագահ Հասան Ռոհանիի դեմ
Քաղաքականություն
15.08.2023 | 17:11
Իրանի հոգևորականների հարցերով հատուկ դատախազությունը մի շարք գործեր է հարուցել նախկին նախագահ Հասան Ռոհանիի դեմ՝ ֆինանսական շուկաներում խարդախությունների մեղադրանքով։ Նա պետք է դատարանի առջև մի շարք հարցերի պատասխանի, ասել է Իրանի դատական իշխանության ներկայացուցիչ Մասուդ Սեթայեշին, փոխանցում է Tasnim գործակալությունը։
«Իրանի նախկին նախագահ Ռոհանիի դեմ, որն ունի հոգևորականի կոչում և աստիճան, մի քանի գործ է հարուցվել հոգևորականների հարցերով հատուկ դատախազությունում, որն իրեն համապատասխան իրավասություն է վերապահում, ինչպես նաև համապատասխան մարմին է, որտեղ նախկին նախագահը պետք է պատասխանի մի շարք հարցերի»,- ասել է Սեթայեշին։
Նա նաև նշել է, որ գործը հարուցվել է Ռոհանիի արժութային խարդախության, ինչպես նաև Իրանի ֆոնդային բորսայում միջամտության պատճառով։
