08.10.2026 | 15:01
Հայտնի է ազատ ոճի ըմբշամարտի Հայաստանի հավաքականի կազմն ԱԱ-ում
Դոնալդ Թրամփին պաշտոնապես մեղադրանք է առաջադրվել չորրորդ քրեական գործով
Քաղաքականություն
15.08.2023 | 14:37
ԱՄՆ նախկին նախագահ Դոնալդ Թրամփին պաշտոնապես մեղադրանք է առաջադրվել չորրորդ քրեական գործով՝ Ջորջիա նահանգի ընտրություններում իր պարտությունը փոխելու փորձի համար։ Այս մասին հայտնում է CNN-ը:
Երկուշաբթի Ատլանտայի մեծ ժյուրին հայտարարել է Թրամփի դեմ Ջորջիայում նախընտրական մեղադրանքների 98 էջանոց նոր փաթեթի մասին, որը չորրորդ քրեական մեղադրանքն է նախկին նախագահի դեմ: Մեղադրանքները Ֆուլթոնի շրջանային դատախազ Ֆանի Ուիլիսի հետաքննության արդյունքն են և վերաբերում են նախկին նախագահի ու նրա գործընկերների կողմից 2020 թվականի ընտրությունների արդյունքը փոխելու հնարավոր ջանքերին:
Ընդհանուր առմամբ, մեղադրանք է առաջադրվել 19 անձի։ Նրանց թվում Դոնալդ Թրամփն է, ինչպես նաև, ի թիվս այլոց, նրա փաստաբան Ռուդի Ջուլիանին, Սպիտակ տան այն ժամանակվա աշխատակազմի ղեկավար Մարկ Մեդոուսը, Թրամփի փաստաբան Ջոն Իսթմանը։
Մեղադրական եզրակացության ներածությունում դատախազներն ասել են, որ Թրամփը և նրա գործընկերները «դիտավորյալ դավադրություն են կազմակերպել՝ անօրինական կերպով փոխելու ընտրությունների արդյունքները հօգուտ Թրամփի», և նրանց ծրագիրը նախատեսում էր երկու միջամտություն Ֆուլթոն շրջանում և այլ վայրերում:
