24.07.2026 | 23:45
Գագիկ Ծառուկյանի նկատմամբ նոր հանրային քրեական հետապնդում է հարուցվել. փաստաբան
Լվովում հրթիռային հարձակման հետևանքով բնակելի շենքեր են վնասվել
Քաղաքականություն
15.08.2023 | 13:11
Երեքշաբթի գիշերը Ռուսաստանը տարբեր տեսակի թևավոր հրթիռներով հարվածներ է հասցրել Լվովին, Լուցկին, Դնեպրին և Ուկրաինայի այլ քաղաքներին, հայտնում են Ուկրաինայի իշխանությունները։ Լվովի քաղաքապետ Անդրեյ Սադովիի խոսքով՝ հրթիռների մի մասը խոցվել է, սակայն եղել են նաև հարվածներ, այդ թվում՝ բնակելի շենքերի վրա, փոխանցում է BBC-ի ռուսական ծառայությունը։
«Բնակելի շենքերի ուղղությամբ հարվածներ են եղել, այրվում են վերին հարկերը։ Մենք մարդկանց տարհանում ենք։ Բոլոր ծառայությունները տեղում են»,- գրել է նա իր տելեգրամյան ալիքում։
Լվովի մարզային ռազմական վարչակազմի ղեկավար Մաքսիմ Կոզիցկիի խոսքով՝ հրթիռների բեկորներն ընկել են Պատոն և Կախովսկայա փողոցների բազմաբնակարան շենքերի վրա, մարդիկ տարհանվել են։
Ռուս զինվորականները դեռ չեն մեկնաբանել գիշերային հարձակումը։
