07.10.2026 | 23:48
Արթուր Դանիելյանը կալանավորվեց
Գերմանիայի արտգործնախարարին տեղափոխող ինքնաթիռը վթարային վայրէջք է կատարել Աբու Դաբիում
Քաղաքականություն
14.08.2023 | 20:45
Գերմանիայի արտաքին գործերի նախարար Աննալենա Բերբոքին Ավստրալիա տեղափոխող ինքնաթիռը հարկադիր վայրէջք է կատարել Աբու Դաբիում։ Այս մասին հայտնել է գերատեսչության խոսնակ Սեբաստիան Ֆիշերը։ Նշվում է, որ ինքնաթիռում տեխնիկական խնդիր է եղել:
Luftwaffe-ը (Գերմանիայի ռազմաօդային ուժերը) հայտնել է, որ A340-ը ստիպված է եղել վերադառնալ Աբու Դաբի, որտեղ պլանավորված վայրէջք էր կատարել՝ լիցքավորման համար՝ անվտանգության նկատառումներից ելնելով: Աբու Դաբիում անվտանգ վայրէջք կատարելու համար ինքնաթիռի անձնակազմը ստիպված է եղել շուրջ 80 տոննա կերոսինը դուրս թափել։ Սա անվտանգության ստանդարտացված ընթացակարգ է, հակառակ դեպքում, օդանավը շատ ծանր կլիներ վայրէջքի համար: Դրա համար ինքնաթիռը շուրջ 80 րոպե պտտվել է ծովի վրայով:
