15.01.2026 | 23:35
Ավարտվել է ՀՀ շախմատի առաջնությունների 3-րդ խաղափուլը․ Զավեն Անդրիասյանը միանձնյա առաջատար է
Լատվիայի վարչապետը հայտարարել է հրաժարականի մասին
Քաղաքականություն
14.08.2023 | 17:28
Լատվիայի վարչապետ Կրիշյանիս Կարինշը հայտարարել է իր հրաժարականի մասին։ Նա Twitter-ում գրել է, որ որոշումը կայացվել է կառավարական կոալիցիայում ստեղծված ճգնաժամի պատճառով։
«Ես հինգշաբթի (օգոստոսի 17-ին) հրաժարականի դիմում կներկայացնեմ նախագահին։ Ես կոչ եմ արել «Նոր միասնություն» կուսակցությանը առաջադրել վարչապետի նոր թեկնածու»,- գրել է նա։
Տեղական լրատվամիջոցները նշում են, որ Կարինշի և ներկայիս կառավարության հրաժարականը ճանապարհ կհարթի նոր կառավարության ձևավորման համար, որի պոտենցիալ կորիզը կլինի «Նոր միաբանությունը»։
Միաժամանակ, գործող նախարարները կշարունակեն կատարել իրենց պարտականություններն այնքան ժամանակ, քանի դեռ նոր կառավարությունը չի հաստատվել Սեյմի կողմից։
