26.06.2026 | 23:30
Հունիսի 29-ին Հայաստանի մի շարք հասցեներում էլեկտրաէներգիայի անջատումներ կլինեն
Լեհաստանում երկու ռուսաստանցի է ձերբակալվել՝ «Վագների» մասին նյութեր տարածելու համար
Քաղաքականություն
14.08.2023 | 18:23
Լեհաստանում ձերբակալվել են Ռուսաստանի երկու քաղաքացիներ, որոնք ռուսական «Վագներ» ռազմական խմբավորման մասին քարոզչական նյութեր են տարածել Կրակովում և Վարշավայում։ Այս մասին հայտնել է Լեհաստանի ՆԳ նախարար Մարիուշ Կամինսկին։
«Երկուսին էլ մեղադրանք է առաջադրվել, այդ թվում՝ լրտեսության համար։ Նրանք ձերբակալվել են»,- գրել է Կամինսկին X սոցիալական ցանցում (նախկինում՝ Twitter)՝ նրանցից առգրավված նյութերի մասին մանրամասներ չհայտնելով։
Նշենք, որ Բելառուսի տարածքում «Վագներ»-ի վարձկանների ճամբարների հայտնվելուց հետո Լեհաստանի իշխանությունները որոշել են, ընդհանուր առմամբ, 10 հազար զինվորականի տեղակայել Բելառուսի հետ սահմանին։
Հուլիսի 23-ին ՌԴ նախագահ Վլադիմիր Պուտինի հետ հանդիպման ժամանակ Բելառուսի ղեկավար Ալեքսանդր Լուկաշենկոն ասել է, որ «Վագներ» խմբավորման վարձկանները խնդրում են գնալ դեպի արևմուտք՝ «դեպի Վարշավա էքսկուրսիայի», ինչը «սկսել է լարել» իրեն։ Լուկաշենկոն պնդում է, որ վագներականները, իբր, ցանկանում են վրեժ լուծել Լեհաստանից Բախմուտում տեղի ունեցած մարտերի համար, որտեղ օգտագործվել է լեհական տեխնիկա։
