24.11.2024 | 21:00
«Կանաչ» հիմնադրամներից շատերն այնքան էլ կանաչ չեն. ապաքաղաքական զրույց Ինգա Զարաֆյանի հետ․ ՏԵՍԱՆՅՈՒԹ
ՄԱԿ-ն արձագանքել է Ուկրաինայի հարավում ռուսական հարվածներին
Քաղաքականություն
14.08.2023 | 15:44
Քաղաքացիական անձինք և քաղաքացիական ենթակառուցվածքները պետք է պաշտպանված լինեն, նրանք չպետք է դառնան ռուսական հարձակումների թիրախ։ Այս մասին ասված է Ուկրաինայում ՄԱԿ-ի հումանիտար հարցերով համակարգող Դենիզ Բրաունի հայտարարության մեջ։
Նա ընդգծել է, որ խաղաղ բնակչությունը և քաղաքացիական ենթակառուցվածքներն ամբողջ Ուկրաինայում շարունակում են տուժել Ռուսաստանի Դաշնության կողմից անկանոն հարվածներից։
«Երկրի հարավի բնակիչները, այդ թվում՝ Խերսոնի և Օդեսայի շրջանների բնակիչները, առանձնապես ծանր հանգստյան օրեր են ապրել, քանի որ գնդակոծության հետևանքով զոհվել և վիրավորվել են բազմաթիվ խաղաղ բնակիչներ, այդ թվում՝ երեխաներ: Հարվածներն ազդել են նաև մարդասիրական կազմակերպությունների աշխատանքի և պատերազմի հետևանքներից տուժածներին օգնելու մեր կարողության վրա»,- ասել է Բրաունը։
Այս համատեքստում նա հայտնել է, որ օգոստոսի 11-ին ADRA հասարակական կազմակերպության ներկայացուցիչները ստիպված են եղել դադարեցնել օգնություն բաժանել այն բանից հետո, երբ Խերսոնի շրջանում իրենց պահեստն ու մեքենաները վնասվել են գնդակոծությունից։
Ուկրաինայում ՄԱԿ-ի հումանիտար հարցերով համակարգողը ևս մեկ անգամ ընդգծել է, որ «քաղաքացիական անձինք և քաղաքացիական ենթակառուցվածքները չպետք է լինեն Ռուսաստանի Դաշնության կողմից անկանոն գնդակոծության թիրախ»:
