14.09.2026 | 10:00
ԱԺ քառօրյայի մեկնարկը` ՈՒՂԻՂ
Քրեական վարույթ է նախաձեռնվել Ուկրաինայի դեսպանատան գործերի ժամանակավոր հավատարմատար Ալեքսանդր Սենչենկոյի ջրահեղձման դեպքի առթիվ
Հասարակություն
14.08.2023 | 14:53
Ուկրաինայի դեսպանատան գործերի ժամանակավոր հավատարմատար Ալեքսանդր Սենչենկոյի մահվան դեպքի առթիվ քրեական վարույթ է նախաձեռնվել ՀՀ քրեական օրենսգրքի 155-րդ հոդվածի հատկանիշներով։ Այս մասին Factor.am-ի հետ զրույցում ասաց Քննչական կոմիտեի մամուլի խոսնակ Գոռ Աբրահամյանը։
Նշենք, որ Քրեական օրենսգրքի 155-րդ հոդվածը սպանությունն է, սակայն դա չի նշանակում, որ փաստական տվյալներ են ձեռք բերվել սպանություն կատարելու դեպքի առթիվ, պարզապես նմանատիպ դեպքերում քրեական գործերը հարուցվում են սպանության հոդվածով։
Հիշեցնենք՝ երեկ Սևանա լճում քաղաքացի է ջրահեղձ եղել։ Ինչպես պարզվել է, վերջինս ՀՀ-ում Ուկրաինայի գործերի ժամանակավոր հավատարմատար Ալեքսանդր Սենչենկոն է։ ՆԳՆ-ից այսօր հայտնել են, որ դեպքը տեղի է ունեցել ժամը 20.40-ի սահմաններում Սևանա լճի հանրային լողափում՝ ափից մոտ 30 մ հեռավորության վրա։
Արաքս Մամուլյան
