02.11.2024 | 20:53
Բացվեց «Լույսեր» բնակելի համալիրը՝ կանաչապատ բակերով և նորարար լուծումներով. ՏԵՍԱՆՅՈՒԹ
Չինաստանի պաշտպանության նախարարն այս շաբաթ կայցելի Ռուսաստան և Բելառուս
Քաղաքականություն
14.08.2023 | 14:26
Չինաստանի պաշտպանության նախարար Լի Շանգֆուն օգոստոսի 14-19-ը կայցելի Ռուսաստան և Բելառուս։ Նա կմասնակցի Միջազգային անվտանգության հարցերով մոսկովյան XI համաժողովին, ասել է գերատեսչության ներկայացուցիչ Ու Ցյանը։ Նա մանրամասնել է, որ Լին մեկնում է ՌԴ պաշտպանության նախարար Սերգեյ Շոյգուի և իր բելառուս գործընկեր Վիկտոր Խրենինի հրավերով, փոխանցում է Կոմերսանտը։
Մարտին Վլադիմիր Պուտինի հրավերով Մոսկվա էր այցելել Չինաստանի նախագահ Սի Ցզինպինը։ Սին ՌԴ նախագահին հրավիրել է Չինաստան, այցն արդեն մշակման փուլում է։
Մայիսին էլ ՌԴ վարչապետ Միխայիլ Միշուստինը մեկնել էր Պեկին, իսկ հուլիսին այցով Չինաստանում էին ՌԴ Դաշնային խորհրդի նախագահ Վալենտինա Մատվիենկոն և ՌԴ գլխավոր դատախազ Իգոր Կրասնովը։
Հիշեցնենք, որ համաշխարհային մամուլում բուռն քննարկվում էր Սաուդյան Արաբիայում Չինաստանի մասնակցությունը Ուկրաինայի հարցով բանակցություններին։
Եվրոպացի պաշտոնյաները հանդիպումից հետո հայտարարել էին, որ Չինաստանի ներկայացուցչի մասնակցությունը «ցույց է տալիս, որ Ռուսաստանը գնալով ավելի ու ավելի է մեկուսացվում»: Նրանք Չինաստանի ներկայացուցչի դիրքորոշումը բանակցություններում անվանել էին կառուցողական և նշել, որ Չինաստանը ցուցաբերել է պատրաստակամություն՝ հետագայում նույնպես մասնակցել Ուկրաինայի հարցով միջազգային բանակցություններին։
