27.06.2026 | 01:34
5.5 մլրդ դոլար. աշխարհի ամենաթանկ ստադիոնում ԱՄՆ-Թուրքիա հանդիպման ետնաբեմը Factor TV-ի թղթակցի աչքերով
Պուտինն առաջիկա օրերին կայցելի Թուրքիա. Milliyet
Քաղաքականություն
14.08.2023 | 12:45
Թուրքիայի իշխանությունները ակտիվացրել են դիվանագիտական աշխատանքը հացահատիկի գործարքը վերսկսելու համար, գրում է թուրքական Milliyet թերթը։ Նրա խոսքով՝ ՌԴ նախագահ Վլադիմիր Պուտինը մոտ օրերս կայցելի Անկարա, հստակ ժամկետներ չեն նշվում։ Սա կլինի Ուկրաինայում ռուսական ռազմական գործողության մեկնարկից ի վեր Պուտինի առաջին այցը ՆԱՏՕ-ի անդամ երկիր, գրում է Կոմերսանտը։
Օգոստոսի սկզբին Կրեմլը հաստատել էր Վլադիմիր Պուտինի և նրա թուրք գործընկեր Ռեջեփ Թայիփ Էրդողանի հնարավոր հանդիպման նախապատրաստությունը:
Ռուսաստանի Դաշնության նախագահի մամուլի քարտուղար Դմիտրի Պեսկովը հայտնել է, որ երկու երկրների ղեկավարների հանդիպումը կկայանա Թուրքիայում։ Թուրքիայի նախագահն ակնկալում է, որ դա տեղի կունենա օգոստոսին։ Լրատվամիջոցները գրել էին, որ երկու երկրների ղեկավարները կհանդիպեն օգոստոսի վերջին կամ սեպտեմբերի սկզբին։
