03.06.2026 | 23:39
ՌԴ-ն մտադիր է հայկական գյուղմթերքը փոխարինել Ադրբեջանից ներմուծումներով
Սեյրան Սարոյանին բարկացրեց իր որդիների՝ բանակում չծառայելուն վերաբերող հարցը
06.07.2017 | 12:36
Ազգային ժողովի Հանրապետական խմբակցության պատգամավոր, գեներալ Սեյրան Սարոյանը դժվարանում է ասել, վերջին օրերի սահմանային լարվածությունը լայնամասշտաբ պատերազմի կհանգեցնի՞, թե՞ ոչ, սակայն պնդում է՝ «հարկ եղած դեպքում բոլորը պետք է գնան կռիվ»:
Լրագրողները հետաքրքրվեցին՝ պատրա՞ստ է իր որդիներին ուղարկել պատերազմ, Սարոյանն այսպես պատասխանեց. «Մուտիտներ են անում, իմ որդիները ապրիլյանին մասնակցել են»:
Հարցին, թե ինչու իր որդիները չեն ծառայել բանակում, Սարոյանն ասաց, որ ավագ որդու՝ Զարզանդի սիրտը վիրահատել են տարիներ առաջ, իսկ մյուս որդին, նրա, փոխանցմամբ, սովորում է:
Պատասխանելուց հետո, սակայն, գեներալ Սարոյանը դժգոհեց, թե ինչու իրեն նման հարց ուղղեցին և հանրությունն էլ իմացավ, որ իր որդու սիրտը վիրահատվել է:
Հիշեցնենք՝ Factor.am-ը օրերս «Ո՞ր բարձրաստիճան պաշտոնյաների զավակները չեն ծառայել Հայոց բանակում և ի՞նչ հիմքերով» վերտառությամբ հոդված հրապարակեց՝ ներկայացնելով, թե որ պաշտոնյաների զավակները չեն անցել պարտադիր զինվորական ծառայություն: Նրանց թվում են նաև Սեյրան Սարոյանի երկու որդիները, որոնցից Աշոտ Սարոյանը պարտադիր զինվորական ծառայություն չի անցել տարկետման հիմքով, իսկ մյուսի՝ Զարզանդ Սարոյանի ծառայությունից ազատվելու հիմքերը Պաշտպանության նախարարությունը չէր հայտնել:
