15.01.2026 | 23:35
Ավարտվել է ՀՀ շախմատի առաջնությունների 3-րդ խաղափուլը․ Զավեն Անդրիասյանը միանձնյա առաջատար է
Օդեսան զանգվածային հարձակման է ենթարկվել
Քաղաքականություն
14.08.2023 | 11:11
Կիևում, Օդեսայում և Ուկրաինայի մի շարք այլ բնակավայրերում երկուշաբթի գիշերը օդային տագնապ է հայտարարվել։ Ուկրաինայի հակաօդային պաշտպանությունը գիշերը հետ է մղել հարձակման երեք ալիք Օդեսայի վրա. ոչնչացվել է 15 անօդաչու թռչող սարք և ութ «Կալիբր» տեսակի հրթիռ, հաղորդում է BBC-ի ռուսական ծառայությունը՝ հղում անելով տարածաշրջանային իշխանություններին։
«Հակառակորդը գիշերը երեք անգամ հարձակվել է Օդեսայի շրջանի վրա՝ օգտագործելով հարվածային անօդաչու թռչող սարքերի երկու ալիք, ընդհանուր առմամբ 15 միավոր և «Կալիբր» տեսակի ծովային ութ հրթիռ։ Բոլոր հարձակումները հետ են մղվել հակաօդային պաշտպանության ուժերի կողմից»,- ասել է Օդեսայի շրջանային ռազմական վարչակազմի խոսնակ Սերգեյ Բրատչուկը։
Հրթիռի բեկորները վնասել են Օդեսայի կենտրոնում գտնվող հանրակացարանային մի շենք, ինչպես նաև մի սուպերմարկետ։ Երկու օբյեկտներում էլ հրդեհ է գրանցվել։ Տուժել է սուպերմարկետի 3 աշխատակից։
