15.12.2024 | 21:00
Այսօր երիտասարդներն ավելի ինքնուրույն են, բայց պակաս տեղեկացված. ապաքաղաքական զրույց Անուշ Ասլիբեկյանի հետ․ ՏԵՍԱՆՅՈՒԹ
Սև ծովի ջրի որակը Վրաստանում նորմայի սահմաններում է․ ՇՄ ազգային գործակալություն
Քաղաքականություն
11.08.2023 | 22:48
Հուլիսի 26-ին և 30-ին Վրաստանի Շրջակա միջավայրի պահպանության և գյուղատնտեսության նախարարության շրջակա միջավայրի ազգային գործակալությունը Սև ծովի ջրի որակի հերթական մշտադիտարկումն է իրականացրել։ Արդյունքների համաձայն՝ Սև ծովի ջրի որակը նորմայի սահմաններում է։
«Շրջակա միջավայրի ազգային գործակալությունը 9 կայաններում 10 օրը մեկ Սև ծովի ջրի որակի մշտադիտարկում է իրականացրել։ Հուլիսի 10-ից կայանների թվին ավելացել է Անակլիա-Գանմուխուրի տարածքի 3 կետ։
Նմուշները վերլուծության են ուղարկվում Շրջակա միջավայրի ազգային գործակալության օդի, ջրի և հողի անալիզի հավատարմագրված լաբորատորիա, որը հագեցած է բարձր ճշգրտության վերլուծական գործիքներով և լիովին համապատասխանում է ժամանակակից պահանջներին ու չափանիշներին»,- Aliq.ge-ի փոխանցմամբ՝ ասվում է գործակալության տարածած հաղորդագրությունում։
