24.11.2024 | 18:04
Թբիլիսիում կանայք երթ են անցկացնում․ պահանջում են Բիձինա Իվանիշվիլիի հրաժարականը
ԱՄՆ-ն ու Իրանը պայմանավորվել են ամերիկացի բանտարկյալների ազատ արձակման դիմաց ապասառեցնել իրանական ակտիվները․ պատժամիջոցները, սակայն, չեն չեղարկվի
Քաղաքականություն
11.08.2023 | 17:23
Իրանն ազատ կարձակի երկրում բանտարկված ԱՄՆ քաղաքացիներին այն բանից հետո, երբ իրանական սառեցված ակտիվները փոխանցվեն Թեհրանին, գրում է The National News-ը։
ԱՄՆ պետքարտուղար Էնթոնի Բլինքենը հայտարարել է, որ ԱՄՆ-ը չի չեղարկի Իրանի դեմ պատժամիջոցները՝ Թեհրանի Էվին բանտից տնային կալանքի տեղափոխված 4 ամերիկացիների ազատ արձակման դիմաց։
«Ցանկացած պարագայում, Իրանը չի ստանա պատժամիջոցների մեղմացում»,- ասել է Բլինքենը ամերիկացիների բանտից ազատվելուց հետո:
«Նրանց տնային կալանքի տեղափոխումը միայն այն գործընթացի սկիզբն է, որը ես հուսով եմ և ակնկալում եմ, որ կհանգեցնի նրանց տուն վերադառնալուն Միացյալ Նահանգներ»,- հավելել է նա։
Իրանական պետական լրատվամիջոցները հաղորդում են, որ ամերիկացի բանտարկյալներն ազատ կարձակվեն Իրանին պատկանող 6 միլիարդ դոլարի դիմաց, որը ներկայում սառեցված է Հարավային Կորեայում, ինչպես նաև լրացուցիչ միջոցների դիմաց, որոնք պահվում են Իրաքի Առևտրային բանկում:
