08.10.2026 | 09:59
Կառավարության նիստը՝ ՈՒՂԻՂ
Զապորոժիեի ԱԷԿ-ի չորրորդ էներգաբլոկում ջրի արտահոսք է գրանցվել․ «Էներգոատոմ»
Քաղաքականություն
11.08.2023 | 15:43
Զապորոժիեի ատոմակայանի չորրորդ էներգաբլոկը «տաք» վիճակի բերելու հետևանքով ռեակտորի առաջին շղթայից ջրի արտահոսք է գրանցվել դեպի երկրորդ բլոկ։ Այս մասին հայտնում է ուկրաինական «Էներգոատոմի» մամուլի ծառայությունը։
Հաղորդագրության համաձայն՝ միջադեպը տեղի է ունեցել երրորդ շոգեգեներատորի ամբողջականության խախտման պատճառով, որը տեղակայված է բլոկի հերմետիկ պատյանում։ Սկսվել է ԶԱԷԿ-ի 4-րդ էներգաբլոկի տեղափոխումը «սառը անջատման» վիճակի։
Ընկերությունից վստահեցրել են, որ ջրի արտահոսքի հետևանքով շրջակա միջավայր ճառագայթային արտանետում չի եղել։
«ՆԱԷԿ «Էներգոատոմի» նախագահ Պետր Կոտիի խոսքով՝ ռուսները միտումնավոր վնասել են 4-րդ էներգաբլոկի սարքավորումները, ինչը հանգեցրել է ճառագայթման տարածման գործող հինգ ֆիզիկական արգելքներից արդեն երեքի ամբողջականության խախտմանը։ Նա ընդգծել է, որ միջադեպին մասնակից բոլոր նրանք, ովքեր շարունակում են կատարել «Ռոսատոմի» հանցավոր հրամանները և ծանր վիճակի են բերել Զապորոժիեի ԱԷԿ-ի բոլոր էներգաբլոկների սարքավորումները, ատոմակայանի ապաօկուպացումից հետո պատասխանատվության կենթարկվեն։
