14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Ուկրաինան զանգվածաբար ականապատում է Բելառուսի հետ սահմանային տարածքը․ Սերգեյ Նաև
Քաղաքականություն
11.08.2023 | 14:35
Ուկրաինացի զինվորականներն ակտիվորեն ականապատում են Բելառուսի հետ սահմանին գտնվող տարածքը։ Այս մասին Facebook-ում հայտնել է Ուկրաինայի Զինված ուժերի միացյալ ուժերի հրամանատար Սերգեյ Նաևը, որը ժամանել է Ռիվնեի շրջան, փոխանցում է Gordon-ը։
«Հրամանատարները տեղում հստակ առաջադրանքներ են ստացել՝ ականապատել տարածքը, կազմակերպել նոր պաշտպանական դիրքեր, ամրապնդել քաղաքացիական կարևոր ենթակառուցվածքների անվտանգությունն ու պաշտպանությունը»,- ասել է Նաևը։
Նրա խոսքով՝ արդեն «տասնյակ հազարավոր» ականներ են տեղադրվել։ Դրանց առնվազն 20%-ը կառավարվող հակահետևակային ականներ են։
Ուկրաինացի բարձրաստիճան զինվորականը նաև ընդգծել է, որ Բելառուսի հետ սահմանին գտնվող տարածաշրջանում ավելացվել է ևս 60 դիտակետ։
