17.03.2026 | 17:54
Արտավազդ Քարամյանը հյուրընկալվել է «Փյունիկին»․ ԼՈՒՍԱՆԿԱՐ
Նոր պայթյուններ Ղրիմի Ջանկոյ շրջանում
Քաղաքականություն
10.08.2023 | 18:32
Ռուսաստանի կողմից բռնակցված Ղրիմի շրջանից հաղորդում են նոր պայթյունների մասդին։ Այսօր ցերեկը պայթյուններ են հնչել թերակղզու հյուսիսում՝ Ջանկոյի շրջանում, հայտնում է DW-ի ռուսական ծառայությունը։
Թերակղզու օկուպացիոն ուժերն ավելի վաղ նախազգուշացրել էին, որ Լենինի շրջանի բնակավայրերում, ինչպես նաև Կիրովսկոյե, Օկտյաբրսկոյե և Հին Ղրիմ բնակավայրերում ժամը 12։00-ից 15։00-ն զինամթերք կոչնչացվի։ Ջանկոյի շրջանն այս ցուցակում չի եղել։
Այսօր ավելի վաղ ՌԴ Պաշտպանության նախարարությունը հաղորդել էր, որ ուկրաինական ուժերը հերթական անգամ թիրախավորել են Մոսկվան: Գերատեսչության տվյալներով՝ անօդաչուներ են արձակվել նաև Սևաստոպոլի ուղղությամբ:
Տեղեկացվել էր, որ ռուսական կողմն ընդհանուր առմամբ 13 անօդաչու թռչող սարք է խոցել:
