16.05.2026 | 15:36
ԵՏՄ-ից դուրս գալը Հայաստանին կարժենա առնվազն 5 մլրդ դոլար. Վյաչեսլավ Վոլոդին
«Ինչու պետք է հանդիպեմ Էրդողանին, զովացուցիչներ խմելու համա՞ր»․ Ասադ
Քաղաքականություն
10.08.2023 | 21:15
Սիրիայի նախագահ Բաշար ալ-Ասադը Sky News Arabia-ի հետ բացառիկ հարցազրույցում կտրականապես հերքել է Թուրքիայի նախագահ Ռեջեփ Թայիփ Էրդողանի հետ առաջիկա հանդիպման մասին վերջին լուրերը, գրում է Gercek news-ը։
Ասադն Անկարային մեղադրել է իր երկրում բռնությանն ու ընդդիմադիր զինյալներին աջակցելու մեջ։
«Ինչո՞ւ պետք է ես ու Էրդողանը հանդիպենք։ Զովացուցիչներ խմելու համա՞ր»,- կատակել է Ասադը։
Նա նշել է, որ դեմ առ դեմ քննարկումը հնարավոր կլինի միայն այն դեպքում, եթե թուրքական զորքերը դուրս բերվեն Սիրիայի տարածքից և ստեղծվի խաղաղության համապարփակ ճանապարհային քարտեզ։
«Մեր նպատակը Թուրքիայի զորքերի դուրսբերումն է Սիրիայի տարածքից, մինչդեռ Էրդողանի նպատակն է օրինականացնել Թուրքիայի օկուպացիոն ներկայությունը Սիրիայում»,- նշել է Ասադը։
Հավելենք, որ Թուրքիայի և Սիրիայի միջև լարված հարաբերությունները շտկելու ջանքերը շարունակվում են՝ Ռուսաստանի և Իրանի միջնորդությամբ: Վերջին ամիսներին Թուրքիայի և Սիրիայի պաշտպանության և արտաքին գործերի նախարարների միջև բարձր մակարդակի հանդիպումներ են տեղի ունեցել, ինչը մեծացրել է նաև երկու երկրների ղեկավարների հնարավոր հանդիպման շուրջ ակնկալիքները:
Էմմա Չոբանյան
