06.06.2026 | 14:11
Հայ շախմատիստների վերջնական արդյունքները կանանց ԵԱ-ում
Ուկրաինայի ՌԾՈՒ-ն հայտնել է Սև ծովում քաղաքացիական նավերի համար միջանցքների բացման մասին
Քաղաքականություն
10.08.2023 | 16:28
Ուկրաինայի ԶՈՒ ռազմածովային ուժերը հայտարարել են Սև ծովում քաղաքացիական առևտրային նավերի համար միջանցքների բացման մասին, գրում է DW-ի ռուսական ծառայությունը։
«Հայտարարվել են Ուկրաինայի սևծովյան նավահանգիստներ քաղաքացիական նավերի շարժման նոր ժամանակավոր երթուղիներ։ Միևնույն ժամանակ, Ռուսաստանի Դաշնության կողմից ռազմական և ականային վտանգը պահպանվում է բոլոր երթուղիներում»,- հայտնել են Ուկրաինայի Զինված ուժերի ռազմածովային ուժերի հրամանատարությունից։
Նշվում է, որ Կիևն այդ երթուղիները համաձայնեցրել է Միջազգային ծովային կազմակերպության (IMO) հետ, որը ճանաչել է Ուկրաինայի ազատ առևտրային նավարկության իրավունքը: IMO-ն Ռուսաստանին կոչ է արել հետևել միջազգային կոնվենցիաներին և չսպառնալ Սև ծովում առևտրային նավագնացությանը, հայտարարել են ռազմածովային ուժերը Facebook-ում։
«Այդ երթուղիները հիմնականում կօգտագործվեն ուկրաինական Չորնոմորսկի, Օդեսայի և Յուժնի նավահանգիստներում տեղակայված քաղաքացիական նավերի ելքը հնարավոր դարձնելու համար՝ ռուսական լայնածավալ ներխուժման սկզբից ի վեր»,- ասվում է հաղորդագրության մեջ։
