15.01.2026 | 23:35
Ավարտվել է ՀՀ շախմատի առաջնությունների 3-րդ խաղափուլը․ Զավեն Անդրիասյանը միանձնյա առաջատար է
Yandex-ի հիմնադիր Արկադի Վոլոժը հանդես է եկել Ուկրաինայում պատերազմի դեմ
Քաղաքականություն
10.08.2023 | 17:17
Yandex-ի համահիմնադիր Արկադի Վոլոժը 2022 թվականի փետրվարից ի վեր առաջին անգամ իր դիրքորոշումն է ներկայացրել Ուկրաիա ՌԴ ներխուժման և պատերազմի վերաբերյալ, փոխանցում է BBC-ի ռուսական ծառայությունը։
«Կտրականապես դեմ եմ Ռուսաստանի բարբարոսական ներխուժմանն Ուկրաինա, որտեղ ես, ինչպես շատերը, ունեմ ընկերներ և հարազատներ։ Ինձ սարսափեցնում է այն փաստը, որ ամեն օր ռումբեր են թռչում ուկրաինացիների տների վրա»,- ասվում է Վոլոժի հայտարարության մեջ։
Նրա խոսքով՝ չնայած այն հանգամանքին, որ ինքը 2014 թվականից չի բնակվում Ռուսաստանում, հասկանում է, որ «երկրի գործողությունների համար պատասխանատվության բաժին ունի»։
«Շատ պատճառներ կային, թե ինչու էի ես ստիպված լռել։ Դուք կարող եք վիճել իմ հայտարարության արդիականության, բայց ոչ դրա էության մասին։ Ես դեմ եմ պատերազմին»,- ասվում է հայտարարության մեջ։
Արկադի Վոլոժն այս հայտարարությունն արել է այն բանից հետո, երբ լրագրողներն ուշադրություն են հրավիրել գործարարի անձնական կայքում հրապարակված կենսագրությանը։ Դրանում Վոլոժն իրեն ներկայացնում է որպես Ղազախստանում ծնված իսրայելցի ձեռնարկատեր: Կենսագրության մեջ Ռուսաստանը նշված չէ որպես երկիր, որտեղ նա ապրել և բիզնես է վարել։
2022 թվականի հունիսին Վոլոժը հայտնվել է եվրոպական պատժամիջոցների ցուցակում, որից հետո հեռացել է Yandex ընկերությունների խմբի տնօրենների խորհրդից և գործադիր տնօրենի պաշտոնից, ինչպես նաև խմբի միջազգային դուստր ձեռնարկություններում ղեկավար պաշտոններից։
Էմմա Չոբանյան
