24.07.2026 | 23:45
Գագիկ Ծառուկյանի նկատմամբ նոր հանրային քրեական հետապնդում է հարուցվել. փաստաբան
Կիմ Չեն Ընը պաշտոնանկ է արել ԶՈՒ ԳՇ պետին և հորդորել պատրաստվել պատերազմի
Քաղաքականություն
10.08.2023 | 18:15
Հյուսիսային Կորեայի առաջնորդ Կիմ Չեն Ընը պաշտոնանկ է արել երկրի ԶՈՒ Գլխավոր շտաբի պետին և կոչ արել ակտիվորեն նախապատրաստվել հնարավոր պատերազմին, մեծացնել զենքի արտադրությունը և ընդլայնել զորավարժությունները։ VOA-ի փոխանցմամբ՝ այս մասին հայտնել է Կորեայի կենտրոնական լրատվական գործակալությունը։
Նշվում է, որ Կիմ Չեն Ընն այս մասին հայտարարել է Կենտրոնական ռազմական հանձնաժողովի նիստում, որում քննարկվել են Հյուսիսային Կորեայի թշնամիներին զսպելու համար հակաքայլերի ծրագրերը։ Դրանց մասին, սակայն, մանրամասներ չեն նշվում։
Գլխավոր շտաբի նոր պետ է նշանակվել է գեներալ Լի Յոնգ Գիրը, որը կփոխարինի պաշտոնանկ արված գեներալ Պակ Սու Իրին, հայտնում է գործակալությունը։ Պարզ չէ՝ արդյո՞ք Լի Յոնգ Գիրը կպահպանի պաշտպանության նախարարի պաշտոնը։
Կիմ Չեն Ընը նաև նպատակ է դրել ընդլայնել զենքի արտադրության կարողությունները, ասվում է գործակալության հաղորդագրության մեջ՝ առանց որևէ մանրամասների։
