08.10.2026 | 17:43
Առուշանյանը ՔՊ կուսակցության անդամ չէ և չի պատրաստվում դառնալ․ Արմեն Խաչատրյան․ ՏԵՍԱՆՅՈՒԹ
ՌԴ ՊՆ-ն հայտնել է Սևաստոպոլի վրա ԱԹՍ-ներով հարձակման մասին․ հաղորդվել է նաև Մոսկվայի ուղղությամբ գրոհի մասին
Քաղաքականություն
10.08.2023 | 14:25
ՌԴ Պաշտպանության նախարարությունը պնդում է, որ անցած գիշեր ուկրաինական 11 անօդաչու թռչող սարքեր փորձել են գրոհել բռնակցված Սևաստոպոլը, սակայն վնասազերծվել են, գրում է BBC-ի ռուսական ծառայությունը։
«Սևաստոպոլ քաղաքի մոտակայքում 2 անօդաչու թռչող սարքեր խոցվել են հերթապահության ժամանակ, ևս 9-ը առանց թիրախին հասնելու՝ կործանվել են Սև ծովում»,- ասվում է հաղորդագրության մեջ։
Նշվում է, որ զոհեր և ավերածություններ չկան։
Պաշտպանության նախարարությունը նաև մանրամասներ է ներկայացրել Մոսկվայի վրա երկու անօդաչու թռչող սարքերի ենթադրյալ գիշերային հարձակման մասին, ինչի մասին ավելի վաղ գրել էր քաղաքապետ Սերգեյ Սոբյանինը։
Գործակալության տվյալներով՝ մեկ անօդաչու թռչող սարքը կործանվել է Կալուգայի մարզի Մալոյարոսլավսկի շրջանի երկնքում, մյուսը՝ Մոսկվայի մարզի Օդինցովո շրջանի երկնքում։
Մոսկվայի քաղաքապետ Սերգեյ Սոբյանինը ևս հայտնել է, որ այս գիշեր երկու անօդաչու թռչող սարքեր փորձել են գրոհել քաղաքը, սակայն խոցվել են հակաօդային պաշտպանության համակարգերի կողմից։
«Գիշերը, ժամը մոտավորապես 4-ին, հակաօդային պաշտպանությունը խոցել է քաղաքի ուղղությամբ թռչող երկու հարվածային անօդաչու թռչող սարքեր, մեկը՝ Կալուգայի մարզում, մյուսը՝ Կենտրոնական օղակաձև ճանապարհի տարածքում»,- գրել է նա Telegram-ում։
